ფენიქსი – რუბეუს ჰაგრიდი

ფენიქსი (ბერძ. «ცეცხლოვანი») — მითოლოგიური ფრინველი, რომელსაც თვითწვის უნარი გააჩნია. ცნობილია სხვადასხვა ქვეყნებისა და კულტურების მითოლოგიებში ითვლებოდა, რომ ფენიქსი ჰგავდა წითელფრთიან არწივი. სიკვდილის წინ ფენიქსი საკუთარ თავს წვავს, ხოლო შემდეგ ღსდგება ფერფლიდან. ჰეროდოტეს თანახმად ეს ფრინველი ასირაში ცხოვრობდა. ხშირად ითვლებოდა, რომ ფენიქსი იყო სინამდვილეში არსებული ორგანიზმი და არა მითიური არსება. შემდგომში ფენიქსი გახდა მუდმივი განახლების სიმბოლო.

ფენიქსი უკვდავების უნივერსალური ნიშანია.ლეგენდის თანახმად, როდესაც ფენიქსი სიკვდილის მოახლოვებას გრძნობდა იგი
ბუდეს იშენებდა,შემდეგ გავარვარებულ მზის სხივებიზე იწვებოდა. სწორედ მაშინ წარმოიქმნებოდა “ახალი ფენიქსი”.

ჩინეთში დრაკონი და ფენიქსი-ძირითადი ინ-იანის ჩინური კოსმოლოგიის და მიტოლოგიის სიმბოლო. ფენიქსი-ბრწყინვალების და ქალის სილამაზის სიმბოლო,როდესაც ფენიქსი დრაკონის გვერდზე დგას.ფენიქსი ასევე ნაყოფიერი ქორწინების,წარმატების,კეთილდღეობის სიმბოლოა.

ფენიქსი დიდი, გედისხელა ალისფერი ფრინველია, ოქროსფერი ბუმბულით, გრძელი ნისკარტით და ბრჭყალებით, შავი თვალებითა და ფარშევანგივით გრძელი კუდით. ბუმბული ძირში მუქია, ხოლო ბოლოში მოწითალო.

ფენიქსები ბუდეს ჩვეულებრივ მაღალ მთებში იდებენ. ისინი გვხვდებიან ეგვვიპტეში, ინდოეთსა და ჩინეთში. არიან ძალიან კეთილები, არასოდეს ესხმიან თავს ადამიანებს და იკვებებიან ბალახეულობით. როდესაც მათი დაწვის დღე ახლოვდება, ემსგავსებიან ნახევრად გაპუტულ ინდაურს, უწითლდებათ თვალები, სცვივათ ბუმბული და კრიახებენ. სიკვდილისას, ფრინველს უეცრად ცეცხლი ეკიდება და თავისივე ფერფლისგან ისევ ცოცხლდება, რამდენიმე დღეში კი სრულ ზომას აღწევს. ფენიქსები, ფაქტობრივად უკვდავნი არიან.

ფენიქსის მოშინაურება ძალიან რთულია. როგორც ნიუტონ სკამანდერი გვეუბნება თავის წიგნში, „ჯადოსნური არსებები: სად ვეძებოთ ისინი“: „ფენიქსს მაგიის სამინისტრომ მიანიჭა XXXX რეიტინგი, არა იმიტომ, რომ აგრესიულია, არამედ იმიტომ, რომ მხოლოდ რამდენიმე ჯადოქარს მოუშინაურებია ის.“ ჩვენთვის ცნობილია მხოლოდ ორი მოშინაურებული ფენიქსი. ერთი ალბუს დამბლდორის ფენიქსი ფოუკსი, ხოლო მეორე – სპარკი, ახალი ზელანდიის ქუიდიჩის ერთ-ერთი გუნდის თილისმა.

„ფენიქსები ძალიან ლამაზი და გასაოცარი არსებები არიან. ძალიან მძიმე ტვირთის გადატანა შეუძლიათ, მათ ცრემლებს კი სამკურნალოდ იყენებენ.“
-პროფესორი ალბუს დამბლდორი

ფენიქსების ყველაზე გასაოცარი უნარი ხელახლა დაბადებაა. დროდადრო ისინი იწვებიან, როდესაც მათი სხეული ბერდება, შემდეგ კი ფერფლისგან თავიდან ევლინებიან ქვეყანას წიწილების სახით. ამ მოვლენას დაწვის დღე ჰქვია და ფენიქსს სიცოცხლეს ფაქტობრივად სამუდამოდ უნარჩუნებს. ფენიქსს აგრეთვე შეუძლია მომაკვდინებელი წყევლის მიღება და ხელახლა დაბადება. ფენიქსებს იმუნიტეტი აქვთ ბასილისკოს მზერაზე, რომელიც თვალის პირდაპირი კონტაქტისას ნებისმიერს კლავს, არაპირდაპირი კონტაქტისას კი აშეშებს.

ფენიქსს შეუძლია გაქრობა და სხვა ადგილას გაჩენა, ასევე სხვა ადამიანების გადაყვანაც, აპარაციის მსგავსად. გაქრობის წინ ფენიქსი ცეცხლის ალში ეხვევა. როგორც დამბლდორმა აღნიშნა, ფენიქსები ძალიან ერთგული არსებები არიან და ეხმარებიან ასეთივე არსებებს. მაგალითად გავიხსენოთ ის შემთხვევა, როდესაც ფოუკსი საიდუმლო ოთახში ჩაფრინდება ჰარის დასახმარებლად და ბასილისკოს მოსაკლავად. ფენიქსის ცრემლებს სამკურნალო თვისებები აქვს. მაგალითად, ბასილისკოს შხამს მხოლოდ ფენიქსის ცრემლები ანეიტრალებს და შეუძლია სიკვდილის პირას მყოფი ადამიანი გამოაჯანმრთელოს. ფენიქსის გალობა მამაც და კეთილ ადამიანებს ამხნევებს და გამბედაობას ჰმატებს, მხდალი ადამიანის გულებში კი შიშს თესავს. ფენიქსებს ძალიან მძიმე ტვირთის გადატანა შეუძლიათ, ისეთი მძიმე ტვირთისაც, როგორიცაა ოთხი ადამიანი. ფენიქსს ასევე შეუძლია შეტყობინებების დატოვება გაქრობისას, მის ადგილას მხოლოდ ერთი ბუმბულის დატოვებით.

ალბუს დამბლდორს ფენიქსებთან მრავალი რამ აკავშირებდა. მისი კომპანიონი ფოუკსი იყო, მისი პატრონუსი – ფენიქსი. მან თავის ჩამოყალიბებულ ორგანიზაციას, რომელიც ვოლდემორისა და სიკვდილის მხვრელების წინააღმდეგ იბრძოდა, „ფენიქსის ორდენი“ ფოუკსის პატივსაცემად დაარქვა.

ეგვიპტეში ფენიქსი აღდგომის,უკვდავების და “მზის დასაწყისის” სიმბოლოა და ასოცირდება “რა“-სთან.

დავალება:

დაწერეთ მოკლე თემა – როგორ შეიძლება გამოიყენონ ჯადოქრებმა ფენიქსი?

დავალება მოგვწერეთ პირადში, მიუთითეთ ჯგუფი. მიიღებთ +40 ქულას და +1 გალეონს, რომლის განაღდება შეგიძლიათ 2 კვირაში ერთხელ, ჰოგსმიდში.

წარმატებები!

– რუბეუს ჰაგრიდი